Moskvada qulagan daraxt bir inson umriga zomin bo‘ldi
Moskva sharqida kuchli shamol tufayli ustiga daraxt qulab tushishi natijasida mashina haydovchisi hayotdan ko‘z yumdi, deya xabar berdi «RIA Novosti».
«1-Myasnikov ko‘chasi 20-uy yaqinidan o‘tib ketayotgan yengil avtomobil ustiga daraxt qulab tushdi. Haydovchi halok bo‘ldi», — deydi shoshilinch yordam ko‘rsatish xizmati xodimi.
Uning so‘zlariga ko‘ra, shundan so‘ng boshqaruvni yo‘qotgan mashina yana ikkita avtomobilga shikast yetkazgan.
Payshanba kunidan beri Moskva va Rossiyaning bir qancha hududlarida soniyasiga 25 metrni tashkil etuvchi kuchli shamol kuzatilmoqda. Poytaxt bo‘rondan ogohlantirilmoqda, ishlarni tartibga solish uchun operativ shtab tashkil etilgan.
Moskva atrofida kuchli shamol o‘nlab daraxtlarni yiqitib, 19 ta mashinaga zarar yetkazishga ulgurdi. Viloyatda shikastlanganlar haqida xabar yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter