«Microsoft» dunyoning eng qimmat kompaniyasiga aylandi
«Microsoft» dunyoning eng qimmat kompaniyasi — Nyu-York fond birjasida 29-oktyabr kuni o‘tkazilgan savdolar yakunida kompaniya kapitalizatsiyasi $2,46 trillionga yetdi.
Ikkinchi o‘rinda — «Apple» ($2,41 trln.). Bir kun oldin chorak hisoboti chiqqanidan so‘ng, «Apple» aksiyalari qiymati 4 foizga pasaydi. Kompaniya tahlilchilar kutganidan kam daromad olgan.
Aksincha, «Microsoft» aksiyalari qiymatiga 1 foiz qo‘shildi. Kompaniya hisoboti investorlarga ma’qul keldi: ishonchli rivojlanish yo‘lida.
Ma’lumot uchun: «Microsoft»ga 1975-yilda Bill Geyts va Pol Allen asos solishgan. Kompaniya dasturiy mahsulotlar, konsollar, kompyuterlar, smartfonlar va hokazo qurilmalar ishlab chiqaradi. «Microsoft» shtab-kvartirasi Redmondda (AQSh, Vashington shtati) joylashgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter