Metro yo‘li o‘pirilishi ostidan 4 kishining jasadi olib chiqildi. Qidiruv ishlar davom etmoqda
Toshkent metropoliteni Yunusobod yo‘lining yangi qurilayotgan qismida favqulodda holat vujudga kelgani xabar qilingan edi.
Ayni paytda tegishli vazirlik va idoralar tomonidan yuzaga kelgan holatni zudlik bilan bartaraf etish ishlari davom ettirilmoqda. O‘zbekiston Respublikasi Vazirlar Mahkamasining farmoyishiga muvofiq sodir bo‘lgan hodisa sabablarini va oqibatlarini joyida o‘rganish, zudlik bilan bartaraf etish, jabrlanganlar va ularning oila a’zolariga yordam ko‘rsatish maqsadida Hukumat komissiyasi tuzilgan.
FVV matbuot xizmati xabariga ko‘ra, qidiruv va qutqaruv ishlari natijasida tuproq ostidan shu vaqtga qadar to‘rt kishining jasadi olib chiqildi va ularning shaxsi aniqlandi.
- J.Ravshanov – 1989-yilda tug‘ilgan.
- O.Abdullayev – 1989-yilda tug‘ilgan.
- D.Abdullayev – 1999-yilda tug‘ilgan.
- A.Diyorov – 1986-yilda tug‘ilgan.
Hodisa sabablari va oqibatlarini o‘rganish va bartaraf qilish ishlari davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter