Messi JCh g‘olibligiga da’vogarlarni sanadi — Argentina yo‘q...
Argentina terma jamoasi sardori Lionel Messi CONMEBOL yutub-kanaliga intervyu berdi.
U jahon chempionati (Qatar-2022) favoritlarini sanab o‘tdi. Qizig‘i, Messining ro‘yxatida Argentina yo‘q.
«Agar favoritlarni sanaydigan bo‘lsam, bu ketma-ketlik Braziliya, Fransiya va Angliyadan iborat. Nazarimda, ular boshqalardan sal oldinroqda», — dedi Messi. Ammo u jahon chempionatida har narsa bo‘lishini ham qo‘shimcha qilib o‘tdi.
Eslatib o‘tamiz, amaldagi jahon chempioni — Fransiya. 2018-yili Rossiyada o‘tgan mundialda fransuzlar xorvatlardan ustun kelishgan.
Qatardagi jahon chempionatiga 20 noyabr kuni start beriladi. Argentina C guruhida Saudiya Arabistoni, Meksika va Polsha bilan kuch sinashadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter