Messi JCh-2026ga borishi xususida javob berdi
Argentina terma jamoasi futbolchisi Lionel Messi JCh-2026da ishtirok etishi bo‘yicha savolga javob berdi. Bu haqda Marca nashri xabar bermoqda.
«Menimcha, yo‘q. Bu mening oxirgi jahon chempionatim edi. Ko‘ramiz, lekin nazariy jihatdan imkon yo‘q, men keyingi jahon chempionatiga bormayman», — deydi Messi.
3-iyun kuni Messi Fransiya chempionatining 38-turida «Klermon»ga qarshi maydonga tushib, «PSJ» uchun so‘nggi o‘yinni o‘tkazdi. Futbolchining parijliklar bilan shartnomasi iyun oyida nihoyasiga yetdi, u erkin agent sifatida «Inter Mayami»ga o‘tdi.
Messi 2021 yilda «PSJ»ga o‘tgandi.
Bungacha hujumchi butun faoliyati davomida «Barselona»da o‘ynagan. Kataloniyaliklar argentinalik futbolchini klubga qaytarish istagini bir necha bor bildirishgan, biroq bunga jamoa futbolchilarining maosh miqdoridagi moliyaviy cheklovlar to‘sqinlik qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter