Mashhur aktyor koronavirusga qarshi vaksina ishlab chiqarish uchun qon topshirdi
Amerikalik aktyor Tom Xenks koronavirusga qarshi vaksina ishlab chiqarish uchun qon topshirdi. Bu haqda «The Independent» nashri xabar berdi.
U bu jarayonda o‘zi kabi COVID-19 ga chalingan rafiqasi Rita Uilson bilan birga qatnashdi. Shifokorlar endi ularda virusga qarshi immunitet hosil bo‘lganini ma’lum qilishdi.
Ta’kidlanishicha, er-xotin xloroxin yordamida davolanishgan. Uilsonning aytishicha, preparat uning sog‘ayishida qanday rol o‘ynaganini bilmaydi, lekin ko‘plab aks ta’sirlarga sabab bo‘lgani bor gap. Ayol odamlarni ushbu dori qabulida ehtiyotkor bo‘lishga chaqirdi.
Aktyorning rafiqasi, shuningdek, boshidan kechirgan alomatlarni ham so‘zlab berdi: isitma, charchoq hissi, ta’m yo‘qotish va tanadagi og‘riqlar. Uning so‘zlariga ko‘ra, Xenksning tana harorati unchalik yuqori bo‘lmagan, ta’m va hidni ham sezgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter