Marsdagi vertolyot-dron ikkita rekord o‘rnatdi (video)
Mars sayyorasida 25-aprel kuni o‘tkazilgan uchinchi sinovda «Ingenuity» vertolyot-droni ikkita rekord o‘rnatdi: 7 km/soat tezlik oldi va ancha uzoq masofaga uchdi.
«Ingenuity» bir soniyada ikki metr masofani uchib o‘tdi. Mars yuzasidan 5 metr balandlikka ko‘tarilgan qurilma «Perseverance» roveridan 50 metrgacha uzoqlashdi, deyiladi NASA xabarida.
Eslatib o‘tamiz, «Ingenuity»ning oldingi sinovlari 19 va 22-aprel kunlari o‘tkazilgandi. Mini-vertolyotning og‘irligi — 1,8 kg., daqiqasiga 2400 marotaba aylanuvchi parraklar hamda ikki xil — rangli va oq-qora kameralar o‘rnatilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter