Qozog‘iston Respublikasi madaniyat va axborot vaziri Aida Balayeva Ostona shahridagi II Markaziy Osiyo media forumi davomida qo‘shma telekanal va media platforma yaratish niyati haqida ga

«Qardosh davlatlarimiz o‘rtasidagi munosabatlar davlat rahbarlarining faol va yaqin hamkorpirdi. ligi tufayli hozir juda yuqori darajada. Va bizning vazifamiz bu vaziyatdan biz nazorat qilayotgan sohada hamkorlikni chuqurlashtirish uchun foydalanishdir, – deya ta’kidladi vazir.

Uning aytishicha, o‘zaro axborot ta’sirini faollashtirish masalasi mintaqa rahbarlari darajasida bir necha bor ko‘tarilgan. Xususan, o‘tgan yili Ostona shahrida bo‘lib o‘tgan maslahat yig‘ilishida Qozog‘iston prezidenti Qosim-Jo‘mart To‘qayev mamlakatlar hukumatlariga qo‘shma media mahsulotlarini ishlab chiqishni taklif qilgan edi.
Aida Balayeva, shuningdek, Markaziy Osiyo mamlakatlari o‘rtasidagi media sohasidagi hamkorlik yangi bosqichga ko‘tarilayotganini ta’kidladi.
Shunday qilib, Qozog‘iston madaniyat va axborot vazirligi hamda O‘zbekiston axborot va ommaviy kommunikatsiyalar agentligi o‘rtasida 2025-yilgacha o‘zaro hamkorlik rejasi imzolandi. Hujjatga media-kontent almashish, jurnalistlar uchun treninglar va seminarlar o‘tkazish, matbuot kotiblarining malakasini oshirish, yosh mutaxassislarni qo‘llab-quvvatlash va dezinformatsiyaga qarshi birgalikda kurashish kiradi.
Shuningdek, tomonlar tajriba almashish va professional aloqalarni rivojlantirish uchun ikki mamlakat jurnalistlari uchun press-turlar tashkil etishga qaror qilishdi.
«Biz barcha Markaziy Osiyo davlatlarini ushbu jarayonning bir qismi bo‘lishga chaqiramiz», dedi vazir.
Avvalroq, Ostona media forumida jurnalistika sohasida Markaziy Osiyo mukofotini ta’sis etish taklif etilgani haqida xabar berilgan edi.