«Manchester Yunayted» Pogba ketishini e’lon qildi
Fransiyalik yarimhimoyachi Pol Pogba shu oy oxirida Angliyaning «Manchester Yunayted» klubini tark etadi. Bu haqda jamoa matbuot xizmati xabar berdi.
Pogba — «MY» tarbiyalanuvchisi, jamoa safida barcha turnirlarda 233 o‘yin o‘tkazib, 39 ta gol, 51 assistga mualliflik qilgan.
2012-yil yozida erkin agent maqomida «Yuventus» (Italiya)ga o‘tgan, oradan to‘rt yil o‘tib, «Manchester Yunayted» xavbekni qaytarish uchun turinliklarga 105 million to‘lagandi.
Pogba «MY» bilan Yevropa ligasi g‘olibi, Angliya ligasi kubogi sohibi bo‘ldi. Biroq «Yuventus»dagi o‘yinlari va natijalari ancha yorqinroq — to‘rt marta Italiya chempionligini nishonladi. Fransiya terma jamoasida 91 o‘yin o‘tkazib, 11 ta golni o‘z hisobiga yozdi, 2018-yilda jahon chempioniga aylandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter