Mahalladoshini tunagan o‘g‘rining yana bir ayanchli qilmishi oshkor bo‘ldi
23-fevral kuni Jizzax viloyati Paxtakor tumanida yashovchi Sh.E.ning turar joyida o‘g‘rilik yuz berdi. Uyda hech kim yo‘qligi, xonadon derazasi ochiqligidan foydalangan o‘g‘ri yotoqxonadagi seyfning qulfini buzib, 8 million so‘m pulni olib ketgan.
Ichki ishlar organlari xodimlari tomonidan olib borilgan tezkor qidiruv tadbirlari natijasida ushbu jinoyat jabrlanuvchining mahalladoshi M.B. tomonidan sodir qilingani aniqlandi. Undan 351 ming so‘m hujjatlashtirib olingan.
Tergovga qadar surishtiruv davomida ayblanuvchining yana bir jinoyati fosh qilindi. Ayon bo‘lishicha, u 2001-yilning 1-oktyabrida hududdagi turar joylardan birining yotoqxonasiga kirib, pichoq bilan qo‘rqitish yo‘li bilan maktab o‘quvchisini zo‘rlagan. So‘ngra birovga aytsa, o‘ldirish bilan tahdid qilgan.
Ushbu manfur kimsa jinoyatini yashirish maqsadida qizning kiyim-kechagini o‘z yashash joyidagi hojatxonaga tashlab yuborgan. Mazkur holat bo‘yicha ham jinoyat ishi qo‘zg‘atildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter