Kim Chen Inning qizi birinchi marta ko‘rinish berdi (foto)
Shimoliy Koreya rahbari Kim Chen Inning qizi — taxminlarga ko‘ra, uning ismi Kim Chju E, birinchi marta omma oldida ko‘rinish berdi.
Voqea Respublika kuni nishonlangan 9-sentyabrda yuz bergan.
Kim Chen In va uning rafiqasi Li Sol Chju uchun qo‘shiq kuylagan bolalar orasidagi bir qiz kxdrshunos mutaxassislarning e’tiborini tortdi. Tashqi ko‘rinishi bilan boshqalardan ajralib turardi (birgina uning sochlari yoyilgan edi), shimoliy koreyalik dohiyning rafiqasi o‘sha qizchaning yelkasiga qo‘lini qo‘yib, ko‘proq gaplashgan. Qizcha tengqurlariga nisbatan ancha xotirjam edi, negadir, operatorlarning kamerasiga ham ko‘proq o‘sha qizcha tushgan...
Umuman olganda, Shimoliy Koreyada Kimlar oilasidan kimnidir rasman tanishtirishdan avval televizorda ko‘rsatish an’anasi bor. Li Sol Chju bilan ham shunday bo‘lgandi. Rasman 2012-yilning 25-iyulida Kim Chen Inning rafiqasi sifatida tanishtirilishidan bir necha hafta oldin, u bilan yonma-yon televizorda ko‘rsatilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter