AQShning Kaliforniya shtatidagi Half Mun Bey shahrida qo‘ziqorin yetishtiruvchi ferma va yuk tashuvchi kompaniyada sodir bo‘lgan otishmada yetti kishi halok bo‘ldi. Bu Kaliforniyada ikki kun ichida sodir bo‘lgan ikkinchi ommaviy qotillikdir.

Shu fonda AQSh prezidenti Jo Bayden Kongressni hujum qurollarini taqiqlash tashabbusini qo‘llab-quvvatlashga chaqirdi.

Half Mun Bey shahridagi otishmada gumonlanuvchi qo‘lga olindi - bu 67 yoshli Chjao Chang Lidir. Xitoylik qishloq xo‘jaligi sohasi ishchilari jinoyat qurboni bo‘ldi, deb xabar bermoqda NBC.

22-yanvar kuni Monterey shahrida Xitoy Yangi yilini nishonlash chog‘ida ham xunrezlik yuz bergandi.  Dastlab o‘n kishi halok bo‘lgani, yana o‘n kishi yaralangani xabar qilingan. 23- yanvar kuni qurbonlardan yana biri vafot etdi. Gumonlanuvchi o‘lik holda topilgan. Dastlabki ma’lumotlarga ko‘ra, jinoyatchi 72 yoshli Xu Kan Tran o‘z joniga qasd qilgan.

Bundan tashqari, 23-yanvar kuni Ayova shtatida De-Moyn shahridagi maktabda otishma yuz berdi. Ikki maktab o‘quvchisi halok bo‘ldi, ta’lim muassasasining bir xodimi og‘ir ahvolda qolmoqda.