Qatardagi JCh-2022 qur’a tashlash marosimidan oldin finalga yo‘llanma olgan jamoalar savatchalarga taqsimlandi.

1-savatcha

Qatar (mezbon), Angliya, Argentina, Belgiya, Braziliya, Fransiya, Ispaniya, Portugaliya.

2-savatcha

Germaniya, Niderlandiya, Daniya, Shveysariya, Urugvay.

Shimoliy Amerika saralash bosqichi yakunlanib, AQSh va Meksika JCh-2022 ga yo‘llanmani qo‘lga kiritsa, ular ham 2-savatchadan o‘rin oladi.

3-savatcha

Senegal, Eron, Janubiy Koreya, Marokash, Polsha, Serbiya, Yaponiya.

Mundialga muddatdan avval yo‘llanma sohibi bo‘lgan Kanada saralashning so‘nggi turida Panamani yenga olsa, 3-savatchaga tushadi. Aks holda bu savatchaga Tunis qo‘shilib, Kanada 4-savatchaga tushadi.

4-savatcha

Gana, Kamerun, Saudiya Arabistoni, Ekvador.

Ushbu savatchaga Yevropa saralash bosqichi o‘tish o‘yini g‘olibi (Shotlandiya, Ukraina yoki Uels) hamda qit’alararo pley-off g‘olibi qo‘shiladi.

Qatardagi JCh-2022 guruh bosqichiga qur’a tashlash marosimi indinga, 1-aprel sanasida o‘tkaziladi.