Manchester universiteti tadqiqotchilari tomonidan olib borilgan yangi tadqiqot iqlim o‘zgarishining xavfli oqibati - ular ilgari xavf tug‘dirmagan hududlarda o‘limga olib keladigan qo‘ziqorin infeksiyalari doirasining kengayishi haqida ogohlantirmoqda, - deb yozadi Independent.

Olimlar odamlarda nafas olish tizimi va boshqa organlarning og‘ir kasalliklarini keltirib chiqarishi mumkin bo‘lgan Aspergillus jinsining qo‘ziqorinlariga alohida e’tibor berishadi.

Aspergillus mog‘ori butun nafas olish tizimi va o‘pkada jiddiy muammolarni keltirib chiqaradi, nafas olishni qiyinlashtiradi va bronxlarga ta’sir qiladi.

Bu, ayniqsa, astma kabi surunkali kasalliklarga chalingan, shuningdek immuniteti zaif odamlar uchun xavflidir.

2100-yilga kelib, eng xavfli turlardan biri bo‘lgan Aspergillus fumigatusning tarqalish maydoni Global isish tufayli 77 foizga o‘sishi taxmin qilinmoqda. Bu faqat Yevropa qit’asidagi to‘qqiz millionga yaqin odamning sog‘lig‘iga tahdid soladi. Ushbu mikroorganizmlar surunkali o‘pka kasalliklari, immunitet tanqisligi holatlari va immuniteti zaif odamlar uchun alohida xavf tug‘diradi.

Muammoning iqtisodiy jihati ham bor. Aspergillus flavus kabi ba’zi turlar don ekinlariga hujum qilib, qishloq xo‘jaligiga tahdid soladi. Uning tarqalish maydoni Shimoliy Xitoy, Rossiya, Skandinaviya va Alyaskagacha kengayishi kutilmoqda.