Hirotdagi masjidda portlash yuz berdi
Bugun, 25-mart kuni Afg‘oniston g‘arbida joylashgan Hirot shahridagi masjidda portlash yuz berdi. Bu haqda «Anado‘lu» agentligi xabar berdi. Mahalliy hukumat vakilining xabar berishicha, portlash natijasida 1 kishi halok bo‘lgan, 7 kishi jarohatlangan.
Mahalliy «Tolonews» telekanalining viloyat politsiyasi matbuot kotibi Abdulahad Valizodaning so‘zlariga asoslanib xabar berishicha, portlash viloyatning ma’muriy markazi bo‘lmish Hirot shahridagi «Nabiy Akram» jome masjidida sodir etilgan. Politsiyaning so‘zlariga ko‘ra qurbonlar soni ortishi mumkin.
Hozircha hech bir guruh portlash bo‘yicha javobgarlikni o‘z zimmasiga olgani yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter