Germaniyada kansler Angela Merkelning 16 yillik davri tugaganini xotirlash maqsadida siyosatchi tasviri tushirilgan sof oltindan tangalar chiqardi, deya xabar berdi «RIA Novosti».

Tangalar va qimmatbaho metallar bilan shug‘ullanuvchi onlayn-do‘konlar 50 yevroga esdalik sovg‘ani taklif qilishmoqda. Tanga 999 karatli oltindan tayyorlangan, vazni 0,58 g, o‘lchami 12,5 mm.

Nodir tanganing egalari kam bo‘ladi — u 5 ming nusxada zarb qilingan. Esdalik sovg‘ada Merkel mamlakatni boshqargan yillar qayd etilgan — 2005-yildan 2021-yilgacha.

Ta’kidlash joizki, Angela Merkelning muxlislari Germaniyada bozorga yaqinda kirib kelgan siyosatchi shaklidagi o‘yinchoqlarni, shuningdek kansler boshi ko‘rinishidagi marsipanlarni xarid qilishlari mumkin.

26-sentyabrda Germaniyada parlament saylovlari bo‘lib o‘tadi. Angela Merkel o‘z nomzodini ilgari surmagan. CSU hukmron partiyasi Armin Lashet tomonidan taqdim etilgan. Biroq, so‘rov natijalariga ko‘ra, Olaf Shols boshchiligidagi sotsial-demokratlar hali ham saylovoldi poygasida oldinda borishmoqda.