Tashqi mehnat migratsiyasi agentligi hamda Shveysariyaning «Globogate Recruiting GmbH» tashkiloti o‘rtasidagi hamkorlik kelishuviga asosan tajribali tibbiyot xodimlarini Germaniya tibbiyot muassasalariga ishga jalb qilish dasturi ishlab chiqilgan.

Nomzodlar uchun talablar:

- 39 yoshdan oshmagan bo‘lishi;

- kasalxonada bemorlarni davolagan va tibbiyot sohasida 2 yillik doimiy ish tajribasiga ega bo‘lishi;

- tibbiyot kolleji/texnikumini (3 yillik) tamomlagan bo‘lishi;

- bemorlarga g‘amxo‘rlik qilish qobiliyatiga ega bo‘lishi;

- Toshkent shahrida tashkil etiladigan nemis tili kurslarida 10 oy davomida ishtirok etishi;

- nomzodlar nemis tili kurslarida qatnashayotgan vaqtda mehnat faoliyati bilan shug‘ullanmasligi;

- Toshkent shahridagi Gyote instituti imtihonlaridan muvaffaqiyatli o‘tishi;

Loyihada ishtirok etishni istagan fuqarolarga quyidagi sharoitlar yaratib beriladi:

- Toshkent shahrida bepul turur joy;

- o‘quv xonasi;

- oylik stipendiya.

Shuningdek, «Globogate Recruiting GmbH» quyidagi xarajatlarni qoplab beradi va xizmatlarni kafolatlaydi:

- nemis tili o‘qituvchisi va o‘quv materiallari;

- til darajasi uchun Toshkentdagi Gyote institutida imtihon topshirish;

- hujjatlarni tarjima qilish va tasdiqlash;

- o‘quv dasturini muvaffaqiyatli tamomlagan nomzodlar uchun viza olish va Germaniyada ishga joylashish;

Toshkent xalqaro aeroportidan Germaniyaga aviachipta va Germaniyadagi aeroportdan ish joyigacha transfer;

-mehnat sharoitlari nemis hamshiralari bilan bir xil (oylik 2 300 yevrodan, nafaqa, sug‘urta, ta’til) va butun jarayon davomida doimiy qo‘llab-quvvatlash.

Murojaat uchun: 71-202-33-55 (ichki raqamlar 66, 88) yoki 1282 qisqa raqami.