FVV bahorning ilk kunlarida kuchli yomg‘ir va sel kelishidan ogohlantirdi
Favqulodda vaziyatlar vazirligi 2018-yilning 1—2-mart kunlari mamlakat bo‘ylab kuchli yog‘ingarchilik bo‘lishi mumkinligidan ogohlantirildi. Bu haqda vazirlikning rasmiy saytida xabar berildi.
Xabarda yozilishicha, 1-mart kuni respublika hududida yomg‘ir yog‘ishi, ba’zi joylarda kuchli yog‘ishi, momaqaldiroq bo‘lishi, joylarda shamol sekundiga 17-22 metr tezlikda esib, ayrim joylarda uning tezligi sekundiga 23-28 metrgacha kuchayishi mumkin. Shu bois FVV aholidan ehtiyot choralarini ko‘rishni so‘ramoqda.
1-mart kuni havo harorati kechasi 4-9 daraja iliq, kunduzi 9-14 daraja iliq, 2-mart kuni kechasi 0-5 daraja iliq, kunduzi 7-12 daraja iliq bo‘lishi kutilmoqda.
Bundan tashqari, 1—2-mart kunlari respublikaning tog‘oldi va tog‘li hududlarida sel kelishi xavfi mavjud.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter