Finalda Braziliya Ispaniyaga qarshi o‘ynaydi
Olimpiada futbol bahslarida yarim final uchrashuvlari o‘tkazilib, ikki finalchi nomi ham ma’lum bo‘ldi.
Dastlab, Meksika va Braziliya olimpiya terma jamoalari bahs olib borishdi. O‘yinning asosiy vaqtida hisob ochilmadi. Penaltilar seriyasida Braziliya 4:1 hisobida g‘alaba qozondi.
Braziliya – Meksika 0:0 (penaltilar bo‘yicha — 4:1)
Ikkinchi bahsda Yaponiya Ispaniyaga qarshi o‘ynadi. Bunda ham asosiy vaqtida g‘olib aniqlanmadi, ammo qo‘shimcha taymlar tugashiga 5 daqiqa qolganida Asensio o‘z goli bilan Ispaniyani finalga olib chiqdi.
Yaponiya U-23 – Ispaniya U-23 0:1
Gol: Asensio, 115
Shu tariqa Olimpiada g‘olibligi uchun Ispaniya va Braziliya bahs olib boradigan bo‘ldi.
Yaponiya va Meksika esa bronza medali uchun o‘zaro kurashadi.
Final 7 avgust kuni, 3-o‘rin uchun o‘yin esa 6 avgustda o‘tkaziladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter