Durov nega «Telegram»ni sotmasligini ma’lum qildi
«Telegram» messenjeri asoschisi Pavel Durov o‘z kompaniyasini sotmaydi. U bu haqda 23 dekabr kuni o‘z telegram-kanalida yozdi.
«WhatsApp asoschilari kabi biz kompaniyamizni sotmoqchi emasmiz», — deyiladi xabarda.
Durov qo‘shimcha qilishicha, jahondagi foydalanuvchilar uchun «Telegram» mustaqil loyiha sifatida kerak. Ushbu messenjerda esa foydalanuvchilarning huquqlari hurmat qilinadi va yuqori sifatli servis ta’minlanadi.
«Telegram mukammallik va yaxlitlikka intilayotgan texnologik kompaniya namunasi bo‘lishi va shunday davom etishi shart. Bizdan oldingilarning alamli tajribasidan guvoh bo‘lyapmizki, yirik korporatsiya tarkibida bunday bo‘lishi imkonsiz», — ta’kidladi Durov.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter