AQShlik olimlar RNK asosida Covid-19 bilan kasallangan odamlarni aniqlaydigan alkotester uslubidagi testni ishlab chiqdilar.

Braun universiteti tadqiqotchilari tomonidan yaratilgan «Bubbler» nomli mazkur qurilma Covid-19 tashxisini qo‘yish uchun virusli RNKni aniqlashga tayanadi. Uning nomi bemor qurilmaga nafas chiqarganda paydo bo‘ladigan ko‘pikli ovozdan olingan.

Bubblerni keyinchalik PZR orqali sinab ko‘rish uchun shtrix kodlash ham mumkin.

Bubbler tomonidan virusni aniqlash kasalxonada o‘tkaziladigan tampon PZR testiga o‘xshash bo‘lsa-da, havodagi virus zarralarini aniqlagani uchun tadqiqotchilar uni infeksiya xavfini PZRdan yaxshiroq o‘lchashiga ishonadilar.

Shuningdek, bubbler keyinchalik nafaqat shifoxonalarda, balki transport markazlarida, ofislar, kemalar va samolyotlar kabi yopiq joylarda atrof-muhitdan namuna olish uchun ham moslashtirilishi mumkin.

2020-yil may oyidan 2021-yil yanvariga qadar Rod-Aylend shifoxonasining tez yordam bo‘limida davolangan yetmish nafar bemor tekshiruvdan o‘tkazildi.

Tadqiqot vaqtida nafas olish yo‘llarining uchta nuqtasidan namunalar olinib, sinovdan o‘tkazildi. Tilning og‘iz bo‘shlig‘idagi qichishishlari va 15 soniyalik nafas chiqarilishidan keyin bubblerda to‘plangan havo an’anaviy PZR testidagi natija bilan solishtirildi.

Bubbler pipetkali shisha naycha ko‘rinishida bo‘lib, u orqali bemorlar nafas oladi. Naycha teskari transkripsiya reaksiyasi aralashmasi va sovuq mineral moy bilan to‘ldiriladi.

Tadqiqotlar natijasi shuni ko‘rsatdiki, nafaqat virusni o‘pkada osongina aniqlaydi, balki pastki nafas yo‘llarining harakatini ham tekshirib beradi.

«Yana bir afzalligi bu shtrix kodlash bo‘lib, u an’anaviy test sinovlari narxidan kamroq xarajat evaziga yuqori o‘tkazuvchanlik orqali RNK virusini tekshirish imkonini beradi. Shtrix kod shtammni identifikatsiyalashni qo‘llab-quvvatlaydigan virusli ketma-ketlikni qaytaradi, bu esa o‘tkazuvchanlik va shtammga xos davolash choralari haqida ko‘proq ma’lumot olishda nihoyatda foydali bo‘lishi mumkin.