Qorako‘l tumanida mehnatkashlarining 2018-yilgi qishloq xo‘jalik mavsumining muvaffaqiyatli yakunlariga «Hosil bayrami» tadbirlari o‘tkazildi.

Xalq sayli sifatida tashkil etilgan bayramda tumanimizning barcha hududlaridan dehqon va fermerlar, chorvador va bog‘bonlar, qishloq xo‘jalik korxonalari vakillari, dala zahmatkashlariga kamarbasta bo‘lgan hasharchilar, viloyatimizning boshqa hududlaridan kelgan mehmonlar ishtirok etdilar.

Mavsum ilg‘orlarini taqdirlashga bag‘ishlangan tantanali marosimda hokim H.G‘oyirov ishtirokchilarni hosil bayrami bilan tabriklab, dehqon va fermerlar, ularga yordam bergan korxona va tashkilotlar, tumanning barcha mehnatkashlariga minnatdorlik bildirdilar.

Kurash musoboqalari viloyat hokimi,viloyat kurash federatsiyasi rahbari O‘ktam Barnoyev tomonidan ochib berildi va 18 – Osiyo o‘yinlarida sportning milliy kurash turi bo‘yicha barcha raqiblari orasida tengsiz deb topilgan tumandoshimiz G‘abullayev Ma’rufjonga viloyatimiz rahbari tomonidan ot sovg‘a qilindi.

Joriy yilda viloyat mehnatkashlari 28 ming 600 tonnadan ziyod paxta,16 ming tonnadan ortiq g‘alla, 200 tonna pilla tayyorlab, yillik shartnoma rejalarini ortig‘i bilan uddaladi.

Yerdan unumli foydalanish maqsadida bu yil tumanimizda 4ming gektardan ortiq maydonlarga takroriy ekin ekildi.

«Hosil bayrami» tadbirida Dilmurod Sultonov,Yulduz Turdiyeva, Feruza Asadova taniqli san’atkorlar tomonidan namoyish etilgan konsert dasturi, yosh ijodkorlar tomonidan ijro etilgan badiiy chiqishlari qatnashchilariga xush kayfiyat, ko‘tarinki ruh bag‘ishladi.