«Buxoro» xalqaro aeroporti – MDH mamlakatlaridagi eng yaxshi aeroport deb topildi
Moskva shahrida Xalqaro fuqaro aviatsiyasining «Aeroport» assotsiatsiyasi tomonidan o‘tkazilgan tanlovning «MDH mamlakatlaridagi eng yaxshi aeroport» nominatsiyasida 2017-yil natijalariga ko‘ra «Buxoro» xalqaro aeroporti g‘olib bo‘ldi. Bu haqda O‘zA xabar berdi.
«Buxoro» xalqaro aeroporti MDH mamlakatlaridagi 100 mingdan 500 mingacha yo‘lovchi tashuvchi havo bandargohlari o‘rtasida yuqori natijalari uchun maxsus kubok va faxriy yorliq bilan taqdirlandi.
Sovrindor aeroport 2017-yilda xalqaro va ichki yo‘nalishlarda 190 ming yo‘lovchiga xizmat ko‘rsatdi. Yuk, pochta va pulli bagaj tashish salmog‘i avvalgi yilgiga nisbatan oshdi. Yo‘lovchilarga xizmat ko‘rsatish sifati yaxshilandi. Aeroportda parvozlar xavfsizligini ta’minlash doimiy e’tiborda.
«Buxoro» xalqaro aeroportiga 2016-yilda Xalqaro ISO 9001:2015 sertifikati berilgan.
«Buxoro» xalqaro aeroporti «Yilning eng yaxshi aeroporti» nominatsiyasi bosh sovriniga beshinchi bor sazovor bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter