«GM Uzbekistan» AJ dilerlik korxonalari bilan hamkorlikda O‘qituvchi va murabbiylar kuni munosabati bilan maxsus aksiya e’lon qildi. Aksiya 2018-yilning 26-sentyabridan 10-noyabriga qadar davom etadi.

Ushbu aksiyaga ko‘ra, «Spark R2 Optimum A/T» avtomobilini xarid qilib, faol dilerlik markazlari hamkorligida tashkil etilgan 1 000 000 so‘m chegirma ko‘rinishidagi sovg‘aga ega bo‘lish mumkin.

Butun respublika bo‘ylab joriy qilingan aksiya bo‘yicha «Spark R2 Optimum A/T» avtomobiliga «GM Uzbekistan» kompaniyasining rasmiy hamkori «InfinBank» tomonidan imtiyozli kredit taqdim etiladi.

«Spark R2 Optimum A/T» avtomobili uchun imtiyozli avtokreditni quyidagi kredit shartlarida rasmiylashtirish mumkin:

• 10 foiz oldindan to‘lov amalga oshirilganda 5 yilgacha muddatga yillik 22 foiz ustama;
• 30 foiz oldindan to‘lov amalga oshirilganda 3 yilgacha muddatga yillik 20 foiz ustama;
• 50 foiz oldindan to‘lov amalga oshirilganda 2 yilgacha muddatga yillik 19 foiz ustama;
• 60 foiz oldindan to‘lov amalga oshirilganda 15 oygacha muddatga yillik 18 foiz ustama.