An’anaviy «International Champions Cup» tijoriy turniri doirasida «Barselona» va «Tottenxem» bahs olib borishdi.

Bahsning asosiy taymlari 2:2 hisobida durang bilan yakunlandi. Birinchi bo‘limda «Barselona» yaqqol ustunlikka erishib, hisobni 2:0ga yetkazdi. Ammo ikkinchi taymda kataloniyaliklar safida asosan yosh futbolchilar maydonga tushirilganidan foydalanib «Tottenxem» ikkita javob goli urishning uddasidan chiqdi. Turnir qoidasiga ko‘ra, g‘olib nomi penaltilar seriyasida aniqlandi. Unda 5:3 hisobida «Barselona» g‘alaba qozondi.

Barselona Ispaniya – Tottenxem Angliya 2:2 (penaltilar bo‘yicha - 5:3)

Gollar: 1:0 – 15 Munir, 2:0 – 29 Artur, 2:1 – 73 Son Xin Min, 2:2 – 75 Nkudu.

Barselona – Sillessen, Marlon (Mingesa, 46), Langle (Kuenka, 46), Nelson Semedu (Palensiya, 46), Serdji Roberto (Kolyado, 46), Artur (Monchu, 46), Andre Gomesh (Puch, 26), Rafinya (Malkom, 46), Denis Suares (Karles Peres, 22; Tabla, 69), Miranda (Kukurelya, 46), Munir (Abel Ruis, 46).

Tottenxem – Gassaniga (Vorm, 61), Karter-Vikers, Devis, Uoker-Piters (Sanches, 46), Eymos, Lukas Moura (Georgiu, 62), Sissoko (Nkudu, 35), Eriksen, Ore, Lorente (Skipp, 46), Son Xin Min.

Penaltilar seriyasi: 1:0, 1:1, 2:1, 2:2, 3:2, 3:3, 4:3, 5:3.