Badaxshonda Tolibon komandiri o‘ldirib ketildi
Afg‘onistonning Badaxshon viloyatida noma’lum jangarilar Tolibon harakati komandirlaridan birini o‘ldirib ketishgan. Bu haqda «8 subh» gazetasi xabar tarqatgan.
Manbaning xabariga ko‘ra, voqea 10 aprel kuni viloyat markazi Fayzobod shahri yaqinidagi Parnaxum qishlog‘ida sodir bo‘lgan. Komandirning ismi Javod edi, voqeada uning tansoqchisi tirik qolgan.
Hozircha toliblar mazkur hodisa haqida biror izoh berishmagan.
Afg‘onistonda oxirgi kunlarda yana urush xavfi ko‘rinib qolgandek. Ikki kun oldin Kobulda portlash kuzatilgan bo‘lsa, sobiq afg‘on askarlari toliblarga qarshi kuch to‘playotgani haqida ham xabarlar chiqqan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter