Armaniston-Ozarbayjon chegarasida mahalliy janglar bo‘lib o‘tdi. Tomonlar bir-birini ayblamoqda
Armanistonning Gegarkunik viloyati, Ozarbayjon bilan chegaraning shimoli-sharqida mahalliy janglar kuzatilgan. Bu haqda Armaniston mudofaa vazirligi matbuot xizmati ma’lum qildi.
Tonggi soat 06:00 da ham mahalliy janglar to‘xtamagan.
«28-iyul kuni soat 03:40 da Ozarbayjon Qurolli kuchlari o‘q otishni boshlab, Armaniston-Ozarbayjon chegarasining shimoli-sharqiy qismida sulh rejimini buzdilar. Mahalliy janglar davom etmoqda»,— deya xabar qiladi Armaniston mudofaa vazirligi.
Ozarbayjon Mudofaa vazirligi, o‘z navbatida, Armaniston qurolli kuchlarining Kelbajar mintaqasida o‘q otishi natijasida ikki ozarbayjonlik harbiy xizmatchi chegarada yaralangani haqida xabar qilgan.
Eslatib o‘tamiz, ikki davlat Tog‘li Qorabog‘ masalasida 2020-yil 10-noyabrda ulhga kelishgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter