Angrendan Toshkentga qatnaydigan elektropoyezd narxi aholi bilan kelishildi

«O‘zbekiston temir yo‘llari» aksiyadorlik jamiyati tomonidan barpo etilgan Angren temir yo‘l vokzali foydalanishga topshirilganiga ko‘p vaqt o‘tmay, Toshkent-Angren-Toshkent yo‘nalishida elektropoyezd qatnovi yo‘lga qo‘yildi.
Joriy yil 12 iyundan yo‘lovchilarga xizmat ko‘rsatayotgan mazkur shaharlararo elektropoyezdi har kuni 18:30 da Toshkent Janubiy temir yo‘l vokzalidan, ertalab 07:09 da esa Angren temir yo‘l vokzalidan jo‘naydi.
E’tiborli jihati shundaki, ushbu poyezdning yo‘l haqqi Angren shahri aholisi bilan kelishilgan holda arzon narxlarda belgilandi. Yo‘nalish vaqti 2 soat, narxi 5.000 so‘m.
Mazkur poyezd To‘ytepa, Ozodlik, Ohangaron, Ablik bekatlarida ham to‘xtab o‘tadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter