Angrendagi yong‘in haqida rasmiy ma’lumot berildi
Ijtimoiy tarmoqlarda Angren shahridagi ko‘pqavatli uyning tomida sodir bo‘lgan yong‘in videolari tarqaldi.
Hodisa yuzasidan FVV axborot xizmati ma’lumot berdi.
Qayd etilishicha, bugun, 28 sentyabr kuni soat 12:42 da Toshkent viloyati Favqulodda vaziyatlar boshqarmasiga Angren shahar 4-dahada joylashgan to‘rt qavatli 11-uyning tom qismida yong‘in sodir bo‘layotganligi to‘g‘risida xabar kelib tushgan.
7 ta yong‘in-qutqaruv ekipaji va 1 ta avtonarvon texnikasi soat 12:48 da voqea joyiga yetib borgan va yong‘in soat 13:30 da bartaraf etilgan. Halok bo‘lgan va jabrlanganlar yo‘q.
Hozirda yong‘in sababi va zarar miqdori aniqlanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter