Amirliklar «kovid-xavfsiz» mamlakatlar «yashil» ro‘yxatiga O‘zbekistonni ham kiritdi
Birlashgan Arab Amirliklari poytaxti — Abu-Dabi madaniyat va turizm departamenti sayohatlar uchun xavfsiz yo‘nalishlar ro‘yxatiga O‘zbekistonni ham kiritdi.
BAA sayyohatlar uchun xavfsiz mamlakatlar «yashil» ro‘yxatini yangiladi: undagi mamlakatlar soni 95 tadan 73 taga qisqardi, xususan, Afrika va Lotin Amerikasining ayrim mamlakatlari ro‘yxatdan chiqarilgan.
Yangi qoida bugun, 26-dekabrdan kuchga kirdi. «Yashil» ro‘yxatdagi mamlakatlardan BAAga keluvchilar uchun karantin talab etilmaydi.
Xavfsiz mamlakatlar ro‘yxatida O‘zbekiston bilan birga Belarus, Gruziya, Isroil, Latviya, Ozarbayjon, Rossiya, Tojikiston, Turkmaniston, Ukraina, Qozog‘iston va Qirg‘iziston ham bor. Bunday mamlakatlar soni jami 73 ta.
Abu-Dabiga parvoz qilishdan 48 soat avval PZR-test topshirish va Xalqaro muvofiqlik assotsiatsiyasi saytida ro‘yxatdan o‘tish talab etiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter