Bayram va muhim sanalar

• Ikkinchi respublika e’lon qilingan kun (Gvineya).

Voqea-hodisalar

• 1502-yil — Xristofor Kolumbning to‘rtinchi ekspeditsiyasi boshlandi.
• 1559-yil — Kato-Kambreziya tinchlik sulhi imzolandi. Italiya urushlari (1494 — 1559-yillar) yakuniga yetdi.
• 1836-yil — Rossiyada birinchi temiryo‘lni qurish to‘g‘risidagi qaror chiqdi.
• 1860-yil — AQShda transkontinental pochta xizmati ishga tushdi. Otliq kurerlarning har biri 75 kilogrammdan pochtani 3 ming kilometrga 10 kun ichida yetkazardi.
• 1879-yil — Sofiya Bolgariya poytaxtiga aylandi.
• 1885-yil — nemis ixtirochisi Gotlib Daymler o‘zining birinchi yarim ot kuchiga teng dvigateli uchun patent oldi.
• 1896-yil — Milanda Yevropadagi eng nufuzli sport nashri — «La Gazzetta dello Sport»(«La Gazzetta dello Sport»)ga asos solindi.
• 1905-yil — Argentinaning eng mashhur futbol klublaridan biri — «Boka Xuniors» tashkil topdi.
• 1907-yil — Saskachevan universiteti (Kanada) tashkil etildi.
• 1910-yil — Shimoliy Amerikaning eng baland cho‘qqisi — Mak-Kinli (hozirgi nomi Denali, Alyaska, balandligi 6193 metr) birinchi marta zabt etildi.
• 1911-yil — Buyuk Britaniyada aholini ro‘yxatga olish natijalari e’lon qilindi. O‘n yilda mamlakat aholisi 9,1 foiz ko‘payib, 45 mln. 216,6 ming kishini tashkil etdi.
• 1928-yil — «Alisa mo‘’jizalar mamlakatida» asari qo‘lyozmasi amerikalik xaridorga 15400 funt sterling(75260 dollar)ga sotildi.
• 1933-yil — jarroh Yuriy Voronoy Xerson shahrida dunyoda birinchi bo‘lib buyrakni ko‘chirib o‘tkazdi.
• 1933-yil — Jomolungma cho‘qqisi ustidan ilk marotaba samolyot uchib o‘tdi.
• 1936-yil — mashhur uchuvchi Charlz Lindbergning o‘g‘lini o‘g‘irlashda ayblangan Bruno Hauptmann qatl etildi.
• 1945-yil — Koshitse(Slovakiya)da Chexoslovakiya hukumati tuzildi.
• 1948-yil — AQSh prezidenti Harri Trumen Marshall planini tasdiqladi. Sobiq ittifoq loyihada qatnashishdan bosh tortdi.
• 1955-yil — Parijda «L’Équipe» jurnali tashabbusi bilan sakkiz mamlakat vakillari futbol jamoalari uchun Yevropa chempionlari kubogini ta’sis etishga kelishib oldilar.
• 1966-yil — «Luna-10» avtomat stansiyasi birinchi bo‘lib Oy orbitasiga chiqdi.
• 1967-yil — «Kavkaz asirasi yoki Shurikning yangi sarguzashtlari» filmi premerasi.
• 1968-yil — Stenli Kubrikning «2001 yilning kosmik odisseyasi» filmi premerasi. Keyinchalik film kinofantastika janri tarixidagi eng yaxshi kinoasar deya e’tirof etildi.
• 1972-yil — yigirma yillik tanaffusdan so‘ng Charli Chaplin AQShga qaytdi.
• 1975-yil — Robert Fisher chempionlikka da’vogar Anatoliy Karpovga qarshi dona surishdan bosh tortgani uchun shaxmat bo‘yicha jahon chempioni unvonidan mahrum etildi.
• 1976-yil — Fransiyada kino sohasidagi yuksak mukofot — «Sezar» ilk sohiblariga topshirildi.
• 1984-yil — «Soyuz T-11» fazoga uchirildi. Uning bortida sobiq ittifoqning ikki fazogiridan tashqari hindistonlik ilk kosmonavt ham bor edi.
• 1987-yil — Jahon sog‘liqni saqlash tashkiloti binosida chekish taqiqlandi.
• 2000-yil — sayyoramizning eng boy kishisi, amerikalik tadbirkor Bill Geyts «Microsoft» aksiyalari qiymati keskin pasayishi tufayli 12 mlrd. dollar zarar ko‘rdi.
• 2007-yil — «V150» elektropoyezdi tezlik bo‘yicha rekord o‘rnatdi — 574,8 km/soat.
• 2017-yil — Sankt-Peterburg metrosida terrorchilik xuruji kuzatildi. Portlash oqibatida 16 kishi halok bo‘ldi, 87 inson jarohatlandi.

Tavallud kunlari

• 1783-yil — Vashington Irving, amerikalik yozuvchi.
• 1863-yil — Henri van de Velde, belgiyalik me’mor, modern uslubi asoschilaridan biri.
• 1873-yil — Yan Yanskiy, chex shifokori, qon guruhlarini toifalashning zamonaviy ko‘rinishini taklif qilgan.
• 1924-yil — Marlon Brando, amerikalik aktyor, ikki «Oskar» sohibi.
• 1930-yil — Helmut Kol, GFR federal kansleri (1982—1990-yillar), birlashgan Germaniya kansleri (1990—1998-yillar).
• 1939-yil — Viktor Sadovnichiy, rossiyalik matematik, MGU rektori.
• 1958-yil — Alek Bolduin, amerikalik aktyor.
• 1961-yil — Eddi Myorfi, amerikalik aktyor, kinorejissyor, prodyuser.