O‘n besh sotixga o‘n ming «ko‘ki»: Samarqandda yer sotayotganlar qo‘lga tushdi
Bosh prokuratura huzuridagi Departament hamda DXXning Urgut tumani bo‘limlari tomonidan tezkor tadbir o‘tkazildi.
Unda Fuqaro J.M. tanishiga qarashli «R.» fermer xo‘jaligining 15 sotix yer maydonini fuqaro K.ga ajratib berish evaziga firibgarlik yo‘li bilan 10 000 AQSh dollarini olgan vaqtida ashyoviy dalillar bilan ushlangan.
Xuddi shunday, Departament hamda DXXning Bulung‘ur tumani bo‘limlari tomonidan o‘tkazilgan tezkor tadbirda, fuqaro T.M. fuqaro S.ning ishonchiga kirib, unga «M.» fermer xo‘jaligiga qarashli yer maydonidan 25 sotixini 35 mln so‘m evaziga tanishlari orqali olib berishga va’da berib, oldindan 10 mln so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter