Toshkentda avtobus qarama-qarshi yo‘nalishda harakatlandi
Ijtimoiy tarmoqlarda Toshkent shahrida avtobus qarama qarshi tarafdan harakatlangani aks etgan video tarqaldi. Mazkur holat yuzasidan Toshshahartransxizmat rasmiy ma’lumot berdi.
Qayd etilishicha, mazkur holat joriy yilning 28 avgust kuni «1-Avtobus saroyi» filialiga biriktirilgan «King Long» rusumli, davlat raqami 01|824 LKA bo‘lgan 93-sonli «Food city savdo majmuasi - Yunusobod mavzesi 9-daha» avtobus yo‘nalishi haydovchisi O.R. tomonidan amalga oshirilgan.
Hozirda mazkur qoidabuzarlikka nisbatan Toshkent shahar Ichki ishlar bosh boshqarmasi Yo‘l harakati xavfsizligi xodimlari tomonidan ma’muriy bayonnoma rasmiylashtirilib, qoidani buzgan avtobus haydovchisi jarimaga tortilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter