Parij markazida yirik portlash sodir bo‘ldi. Qirqqa yaqin kishi jabrlangan (video)
![Parij markazida yirik portlash sodir bo‘ldi. Qirqqa yaqin kishi jabrlangan (video)](https://static.xabaruz.com/crop/6/8/720_460_95_689720351.jpg)
Parij markazida kuchli portlash va uning ortidan yong‘in sodir bo‘ldi. Kamida 37 kishi jarohatlangan. To‘rt nafarining ahvoli og‘ir.
Portlash shaharning 5-kvartalida, Lyuksemburg bog‘lari va Panteondan uncha uzoq bo‘lmagan joyda, Avliyo Jek ko‘chasi, 277-uyda joylashgan Parij-Amerika akademiyasi binosida sodir bo‘lgan.
Ma’lum qilinishicha, portlashdan so‘ng zarar ko‘rgan binoning devorlari yo‘lga qulab tushgan. Yaqin atrofdagilar evakuatsiya qilingan.
“5-kvartaldagi Avliyo Jek ko‘chasida portlash sodir bo‘ldi. O‘t o‘chiruvchilar, politsiya va favqulodda xizmatlar voqea joyiga yetib borishgan. Mening ayni paytda butun xayolim jabrlanganlar va ularning yaqinlarida”, – deydi Parij meri Anna Hidalgo.
Voqea joyiga ikki yuzdan ortiq o‘t o‘chiruvchilar, qutqaruv xizmatlari, shuningdek, Parij meri Anna Hidalgo ham yetib borgan.
Portlashga gaz-havo aralashmasining chaqnashi sabab bo‘lgani taxmin qilinmoqda.
Prokuratura portlash sabablarining ikki versiyasi – “xavfsizlik qoidalarini buzish” va “texnika qoidalariga e’tiborsizlik”ni tekshirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter