Navoiy viloyati SSP boshqarmasiga yangi rahbar tayinlandi
Savdo-sanoat palatasi Navoiy viloyati hududiy boshqarmasi boshlig‘i etib Shakarov Dilshod Esanovich tayinlandi.
D.Shakarov 1975-yil yilda Samarqand shahrida tug‘ilgan. 1999-yilda Samarqand kooperativ institutini, 2009-yilda Samarqand davlat universitetini, 2024-yilda Toshkent davlat iqtisodiyot universitetini tugatgan.
2018-2019 yillarda Savdo-sanoat palatasi Navoiy viloyati hududiy boshqarmasi boshlig‘i lavozimida ishlagan.
Tayinlovga qadar Uchquduq tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — iqtisodiy taraqqiyot va kambag‘allikni qisqartirish bo‘limi boshlig‘i lavozimida faoliyat yuritgan.
Eslatib o‘tamiz, Shakarovga qadar viloyat SSP boshqarmasini Merey Omonboyeva boshqargan.
M.Omonboyeva muqaddam JKning 168-moddasi 4-qismi «a» bandi bilan aybdor deb topilgan va ushbu jinoyat ishi doirasida Navoiy viloyati Navbahor tumani sudi unga nisbatan hukm o‘qigan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter