2018-yil noyabr oyda Farg‘ona viloyati, Buvayda tumanida yashovchi G‘.Z. Rishton tumanida yashovchi 4 nafar fuqarolarning nomiga traktor va tirkamalarni rasmiylashtirish uchun qalbaki ravishda tayyorlangan texnik pasportlar va oldi-sotdi shartnomalarni Inspeksiyaning Farg‘ona viloyati, Rishton tuman bo‘limiga taqdim etgan vaqtda ashyoviy dalillar bilan ushlangan. Bu haqda Bosh prokuratura matbuot xizmati xabar berdi.

Mazkur holat yuzasidan o‘tkazilgan tergovga qadar tekshiruv harakatlari davomida, fuqaro G‘.Z. o‘z aybiga iqror bo‘lib, ushbu qalbaki hujjatlarni Andijon viloyati, Andijon shahrida yashovchi G.G. dan 200 ming so‘mga sotib olganligini bildirib, bu haqida ariza bilan murojaat qilgan.

Fuqaro G‘.Z.ni arizasiga asosan o‘tkazilgan tadbirda, Andijon shahrida yashovchi G.G. tanishi G‘.Z.ga fuqaro X.A. nomiga «T-28x4m» rusumli traktorga egalik huquqini beruvchi qalbaki texnik pasport va oldi-sotdi shartnomani 200 ming so‘m evaziga sotayotgan vaqtda xolislarning ishtirokida ashyoviy dalillar bilan ushlangan.

Mazkur holat yuzasidan fuqaro G.G. va boshqalarga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.