Android qurilmalar uchun Xabar.uz mobil ilovasi. Yuklab olish ×

Agrar va oziq-ovqat sohasidagi tadbirkorlarga subsidiya berish tartibi belgilandi

Agrar va oziq-ovqat sohasidagi tadbirkorlarga subsidiya berish tartibi belgilandi

Hukumatning joriy yil 3-avgustdagi 331-sonli qarori bilan Agrar va oziq-ovqat sohalarini subsidiyalash to‘g‘risidagi nizom tasdiqlandi.

Nizomga ko‘ra, agrosubsidiya agrar va oziq-ovqat sohalarida faoliyat yuritayotgan tadbirkorlarni qo‘llab-quvvatlash maqsadida ajratiladi.

Buning uchun agrosubsidiya ajratishni tartibga soluvchi ishchi guruhga ariza bilan murojaat qilinadi.

Ishchi guruh arizaga muvofiq agrosubsidiyaning tegishli turi bo‘yicha bajarilgan ish va xizmatlarni (mahsulotlarni) joyiga chiqqan holda o‘rganib chiqadi hamda agrosubsidiyani ajratish yoki uni rad etish to‘g‘risidagi xulosani vakolatli davlat organiga taqdim etadi.

Vakolatli davlat organi ishchi guruh xulosasini o‘rganib chiqib, xulosa kelib tushgandan boshlab 3 ish kunida agrosubsidiya oluvchi sub’yektga subsidiya ajratilishi yoki ajratilmasligi to‘g‘risida javob xati yuboradi.

So‘ng vakolatli davlat organlari tomonidan 3 ish kunida agrosubsidiya oluvchi sub’yektga subsidiya ajratish bo‘yicha to‘lov hujjatlari G‘aznachilik xizmati qo‘mitasiga jo‘natiladi.

Shunga ko‘ra, G‘aznachilik xizmati qo‘mitasi to‘lov hujjatlarini olgach 1 ish kunida tegishli subsidiya summasini agrosubsidiya oluvchining bank hisobvarag‘iga o‘tkazib beradi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring