Kristofer Nolan «Odisseya»ni suratga oladi
Rejissyor Kristofer Nolan Gomerning epik poemasi «Odisseya»ni suratga oladi, deb xabar berdi The Hollywood Reporter. Unda yunon mifologiyasi qahramoni Odisseyning Troyan urushidan so‘ng uyga qaytishdagi sarguzashtlari aks ettiriladi.
Filmda bosh rollarni Mett Deymon, Tom Holland, Zendaya, Robert Pattinson, Lyupita Niongo, Enn Heteuey va Sharliz Teron kabi taniqli Gollivud aktyorlari ijro etadi. Film syujeti tafsilotlari sir tutilmoqda.
Deadline nashri filmni suratga olishga 2025-yil boshida kirishilishi haqida yozgandi.
Ushbu film Deymon va Nolanning hamkorlikdagi uchinchi ishi bo‘ladi. Film jahon prokatiga 2026-yil 17-iyulida chiqarilishi kutilyapti.
Ma’lumot uchun: Kristofer Nolanning 10 ta filmi dunyo bo‘ylab $6,7 mlrddan ko‘proq daromad keltirgan va «Oskar»ga 28 nominatsiyada taqdim etilib, sakkiztasini qo‘lga kiritgan.
Yaqinda Buyuk Britaniya qiroli Charlz III kinematografiyaga qo‘shgan ulkan hissasi uchun Kristofer Nolanga ritsar unvonini bergandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter