Arxeologlar Misrda ikkita noyob topilmaga duch kelishdi
Fir’avn qiyofali sfinkslardan biri.
Germaniya-Misr tadqiqotchilar guruhi g‘arbiy Luksordagi Amenxotep III qadimiy ibodatxonasida bir juft ulkan sfinks (haykal) bo‘laklarini topishdi.
Arxeologlar fir’avnlar sag‘anasi, Amenxotep III sharafiga tiklangan ikki yodgorlik haykali hamda Memnon haykallarini restavratsiya qilish chog‘ida noyob topilmaga duch kelishdi: ohakdan ishlangan haykallar yarmigacha suvga cho‘kkan edi.
Sfinkslarning uzunligi salkam 8 metr chiqadi. Ularda qadimiy hukmdor shohona bosh kiyim — nemes, marosimbop qirrador soqol hamda keng bezakli yoqa — usexda tasvirlangan.
Misr turizm va qadimiy ashyolar vazirligi ma’lumotiga ko‘ra, restavratsiya chog‘i sfinkslardan birining ko‘krak qismida «Amon-Raning suyuklisi» yozuvi ko‘zga tashlangan.
Ma’lumot uchun: Amenxotep III — miloddan avvalgi 1390–1353-yillarda Misrni boshqargan fir’avn, XVIII sulola vakili.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter