Navoiyda katta masshtabda dezinfeksiya o‘tkazilmoqda, postlarda tana harorati tekshirilyapti (foto)
Markaziy harbiy okrugiga qarashli Navoiy garnizonida katta masshtabdagi dezinfeksiya ishlarini ikkinchi bosqichiga start berildi. Bu haqda Xabar.uz’ga harbiy jurnalist G‘ayrat Madrahimov ma’lum qildi.
Prezidentning maxsus topshirig‘i bilan yanada jadallashgan mazkur tadbir okrug qo‘mondonligi rahbarligida har kuni soat 07.00 dan boshlanib, unga viloyat va tumanlarda parallel ravishda 200 ga yaqin maxsus texnikalar jalb qilinmoqda.
Karantin va o‘zini izolyasiya qilish choralari qo‘llangan bir paytda viloyatdagi minglab ko‘chalar, hiyobonlar, magistral yo‘llar hamda qo‘pqavatli bino atroflari okrug radiatsion kimyoviy-biologik muhofaza bo‘linmalari hamda Kuchishlatar tuzilmalar hamkorligida maxsus taktik mashg‘ulotlar ko‘rinishida «ko‘rinmas yovga qarshi» kurash olib borilmoqda.
Navoiy viloyati mudofaa ishlar boshqamasi va tuman bo‘limlari ko‘magida 600 ga yaqin ko‘ngilli chaqiriluvchilardan iborat yig‘ma otryadlar koronavirus infeksiyasi tarqalishini oldini olishda faollik ko‘rsatmoqda.
Bundan tashqari, blok-postlarda xavfsizlik choralari kuchaytirilgan. Har bir postda haydovchilarni tana harorati tekshirilmoqda. Maxsus jihozlangan postlar va karantinga olingan ob’yektlar kuniga ikki marta dezinfeksiya qilinmoqda.
Ma’lumot o‘rnida, Markaziy harbiy okrugi tasarrufiga Samarqand, Jizzax hamda Navoiy viloyatlardagi harbiy qismlar kiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter