Latviyada vaziyat jiddiy: masofadan ishlashga o‘tilmoqda
Latviya hukumati koronavirus tarqalishi bilan bog‘liq yuzaga kelgan vaziyat tufayli mamlakat aholisiga 16-martdan masofadan ishlashga o‘tishni buyurdi, deya xabar berdi LETA agentligi tegishli farmonga tayanib.
Ushbu talab ob’yektiv ravishda masofadan turib ishlay olmaydigan faoliyat sohalaridagi xodimlarga tatbiq etilmaydi. Bunday xodimlar infeksiya tarqalishining oldini olish choralariga rioya qilgan holda smenali jadval asosida ishlaydi. Avvalroq xodimlarni masofaviy rejimga o‘tkazish tavsiya etilgandi.
Yangi cheklov favqulodda holat tugashi kutilayotgan 6-aprelgacha davom etadi.
Latviya Sog‘liqni saqlash vazirligi ma’lumotlariga ko‘ra, mamlakatda qariyb 93 ming koronavirus kasalligi aniqlangan, 83 ming kishi sog‘aygan, yana 1,7 ming kishi vafot etgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter