COVID Symptom Study dasturining yaratuvchilardan biri, olim Tim Spektor koronavirusning ikkita noyob alomatlariga e’tibor qaratish lozimligini aytib o‘tdi. Bu haqda «Express» xabar berdi.

Koronavirusning o‘ziga xos alomatlari orasida Spektor og‘izdagi yaralar va «kovid tili»ni ajratib ko‘rsatgan. Ushbu alomat tilda oqish dog‘lar ko‘rinishida namoyon bo‘ladi.

Alomatlar xavf tug‘dirmaydi va bir necha kundan keyin o‘tib ketadi. Ammo pandemiya sharoitida e’tiborli bo‘lishga to‘g‘ri keladi. Chunki bu koronavirusni yuqtirganlikdan dalolat berishi mumkin.

Mutaxassis ta’kidlaganidek, kasallikka chalinganlarning taxminan 20 foizi COVID-19ning «klassik» alomatlarini payqamaydi. Shu bilan birga, ularning terisida toshma kabi kasallikning kam uchraydigan belgilari kuzatiladi.

Koronavirus pandemiyasi qariyb butun Yer yuzini qamrab oldi. Hammasi bo‘lib, qariyb 93 million kishi koronavirusga chalindi, ikki millionga yaqin bemor vafot etdi. Kasallanish va o‘lim holati eng ko‘p AQSh, Hindiston va Braziliyada qayd etilgan.