Koronavirus infeksiyasi bo‘yicha eng yuqori ko‘rsatkich qayd etildi
Mamlakatimizda koronavirus infeksiyasiga chalinganlar soni bo‘yicha eng yuqori kunlik ko‘rsatkich qayd etildi.
Bugun, 13-aprel soat 10:00 holatiga ko‘ra, O‘zbekistonga chalinganlar soni 896 nafarni tashkil etgani xabar qilingan edi. Ya’ni o‘tgan kundagi so‘nggi holatga nisbatan 31 kishida kasallik aniqlangandi. So‘ng, soat 18:00 holatiga ko‘ra, yana 38 kishida kasallik borligi ma’lum bo‘ldi. Kechki soat 23:00 holati bo‘yicha O‘zbekistonda koronavirus infeksiyasi qayd etilganlar soni 998 nafarga yetib, bemorlar ro‘yxatiga 64 kishi qo‘shildi. Shu tarzda 13-aprel kuni O‘zbekistonda jami 133 kishida infeksiya aniqlandi.
Bu yurtimizda virus bilan kasallanganlik qayd etilgan kundan buyon eng yuqori kunlik ko‘rsatkichdir. Bunga qadar eng yuqori kunlik o‘sish 6-aprel kuni kuzatilgandi – 115 nafar.
Eslatib o‘tamiz, O‘zbekistonda hozirga qadar 85 bemor sog‘aygan, 4 nafari esa vafot etgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter