Karantin markazi va shifoxonalardagi fuqarolar, bemorlar va shifokorlarni kimlar ovqatlantirmoqda? Telegramdagi «Davletovuz» kanali shu savolga javob qidirdi va quyidagilarni aniqladi:

1. «NAVROZ» DAVLAT QABULLAR UYI karantin markazida saqlanayotgan fuqarolarni ovqatlantirish uchun 18,1 mlrd so‘mlik, 15,4 mlrd so‘mlik, 9,2 mlrd so‘mlik, 9 mlrd so‘mlik davlat buyurtmasini olgan. Tashkilot shahar hokimligiga tegishli. Jami — 52 mlrd so‘m.
2. «MAZALI TAOMLAR MAMLAKATI» MChJ Zangiota tumanidagi kasalxonada bemorlar va tibbiyot xodimlarini ovqatlantirish uchun 5,8 mlrd so‘mlik xizmat ko‘rsatgan. Korxona Raxmatullayev Jamshid Akbarjonovichga tegishli.
3. «PAGE GROUP» MChJ Toshkent tibbiyot akademiyasi ko‘ptarmoqli klinikasidagi bemorlarni ovqatlantirish uchun 1,996 mlrd so‘mlik, 589,7 mln so‘mlik oziq-ovqat xizmatlari ko‘rsatilgan. Jami 2 mlrd 586 mln so‘m.
4. «ORIENT ALLIANCE» MChJ 1-sonli Respublika klinik shifoxonasi 213 mln 414 ming so‘mlik, Respublika teri-tanosil kasalliklari klinik shifoxonasi uchun 72,2 mln so‘mlik, 17,6 mln so‘mlik, Respublika ixtisoslashtirilgan travmatologiya va ortopediya ilmiy-amaliy tibbiyot markazi uchun 170 mln so‘mlik oziq-ovqat xizmatlari ko‘rsatilgan. Jami 472 mln so‘m.

Izoh: «PAGE GROUP» MChJ ham, «ORIENT ALLIANCE» MChJ ham Xashimov Baxtiyor Arifdjanovichga tegishli. U avval Sog‘liqni saqlash vazirligining Iqtisodiyot, moliya va prognozlashtirish bosh boshqarmasi boshlig‘i bo‘lgan.

Izoh 2: Karantin markazlarida ovqatlantirish xarajatlari uchun Inqirozga qarshi kurashish jamg‘armasidan 110 mlrd so‘m sarflangan.