Go‘sht kombinatining COVID-19 bilan kasallangan xodimlari soni 1,5 ming nafardan oshdi — Germaniya
Germaniyaning Shimoliy Reyn-Vestfaliya federal yerida joylashgan, «Tönnies» konserniga qarashli go‘sht kombinatida ishlovchi 1,5 ming nafardan ortiq ishchida koronavirus aniqlandi. Bu haqda mahalliy «Radio Gütersloh» radiostansiyasi xabar bergan.
Xabarga ko‘ra, kombinat ishchilari topshirgan koronavirus testlarining 1553 tasi musbat chiqqan. Mahalliy va federal yer hukumati vakillari Gyuterslo okrugida o‘zini ajratish rejimi joriy etilishi mumkinligini aytishmoqda.
Kombinatda koronavirus infeksiyasi bir necha kun avval tarqalgan bo‘lib, korxona hududida ishlovchi 7 ming nafar ishchi karantinga olingandi. Ehtiyot chora sifatida Gyuterslodagi barcha maktab va bog‘chalar yopilgan. Korxona hozir ishlamayapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter