Xorazmda fuqaroga yozilgan qariyb 20 million so‘m qarzdorlik bekor qilindi
2016 yilning 24 mayda «Shimolgazta’minot» unitar korxonasining «Urganchtumangaz» filiali tomonidan fuqaro A.Bayjanovning hisobiga qariyb 20 million so‘m qarzdorlik yozadi. Ya’ni, fuqaroning uyi yaqinidan bitta jo‘mrak borligi aniqlangani aytilib, dalolatnoma rasmiylashtiriladi hamda xonadonga 12.6 million so‘m jarima hamda 6,3 million penya hisoblanadi.
Fuqaro adolat istab, Iste’molchilar huquqini himoya qilish jamiyatlari federatsiyasiga murojaat qiladi. Ushbu voqeani o‘rgangan Urganch tuman IHHQJ ijro etuvchi apparati raisi Sh.Abidov fuqaro Sh. Bayjanov manfaatida da’vo ariza bilan Xonqa tuman ma’muriy sudiga murojaat qilib, dalolatnomani haqiqiy emas deb topishni so‘radi.
Sud hujjatlarni sinchiklab o‘rgangach, «Urganchtumangaz» filiali dalolatnomasini haqiqiy emas deb topdi va iste’molchiga yozilgan katta miqdordagi qarzdorlik bekor qilindi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter