O‘zbekiston fuqarosi Soliyev Alisher O‘ktam o‘g‘li va yana uning to‘rt sherigi Rossiya federatsiyasida bo‘lish tartibini buzgani uchun Vladivostok shahrida ushlab turilgan edi. Vladivostokdagi Bosh konsulligimiz tomonidan xabar qilinishicha, hamyurtimiz Vatanga qaytarilgan.

O‘zbekiston fuqarolari Vladivostok shahridagi xorijiy fuqarolarni vaqtincha ushlab turish joyida bo‘lgan. Bosh konsullik va o‘zbek diasporasi tashkilotlari hamkorlikda olib borgan ish tufayli fuqarolarimiz ishi holis ko‘rib chiqildi. Boz ustiga hamyurtimizga kerakli hujjatlarni rasmiylashtirish uchun huquqiy-konsullik yordami ko‘rsatilgan. Natijada mart oyining oxirgi kunlarida Alisher Soliyev Rossiya federatsiyasini tark etib, uyga qaytishga muvaffaq bo‘ldi.

Shu munosabat bilan Rossiyadagi O‘zbekiston dipmissiyasi hamyurtlarimizni noma’lum kimsalar tomonidan uyushtiriladigan provokatsiyaga uchmaslik va o‘zlari bo‘lib turgan xorijiy davlatlar qonunchiligini buzmaslikka chaqiradi. Qaltis vaziyatlar yuzaga kelgan taqdirda esa darhol yaqin oradagi diplomatik vakillikka murojaat qilishlari so‘raladi:

O‘zbekiston Elchixonasining Rossiyadagi konsullik bo‘limi:
119017, Moskva shahri, 2- Kazachiy chor, 2 uy;
Telefon: +7 499 230 00 32, elektron pochta: [email protected]

O‘zbekistonning Sankt-Peterburgdagi Bosh konsulligi:
S.-Peterburg shahri, 4-Krasnoarmeyskaya ko‘chasi, 4A uy;
Telefonlar: +7 965 7512071,+7 812 601 06 28,
Telegram, Whatsapp, Viber, Imo +998909942747, elektron pochta: [email protected];

O‘zbekistonning Yekaterinburgdagi Bosh konsulligi:
620075, Yekaterinburg shahri, Karl Libknext ko‘chasi, 22 uy, 6 qavat;
Telefonlar: + 7 343 272 31 33; +7 965 519 42 22 faks + 7 343 2723166, elektron pochta: [email protected].

O‘zbekistonning Novosibirskdagi Bosh konsulligi:
630005, Novosibirsk, Lomonosov ko‘chasi, 55B uy;
Telefonlar: +7 383 246 04 85, 246 04 84, 246 04 63, 246 04 64; Faks: +7 383 2460462, elektron pochta: [email protected].

O‘zbekistonning Vladivostokdagi Bosh konsulligi:
690003, Vladivostok shahri, Verxneportovaya ko‘chasi, 46 uy
Telefon: +7 423 260 48 00, +7 951 018 70 07, elektron pochta: [email protected].