Prezident Shavkat Mirziyoyev ayni vaqtda uy-joy qurilishi va ipoteka bozorini rivojlantirish borasida selektor yig‘ilishi o‘tkazmoqda. Majlis davomida qaysi viloyatda qancha uch-joy qurilishi va narxi qancha bo‘lishi ma’lum qilindi.

«Xabar.uz» muxbirining xabar berishicha, yil davomida 54 ming uy-joy quriladi. Shundan:

Qoraqalpog‘istonda – 2 290 ta,

Andijonda – 4 665 ta,

Buxoroda – 3 220 ta,

Jizzaxda – 1 670 ta,

Qashqadaryoda – 3 710 ta,

Navoiyda – 1 836 ta,

Namanganda – 4 025 ta,

Samarqandda – 4 479 ta,

Surxondaryoda – 3 989 ta,

Sirdaryoda – 1 414 ta,

Toshkent viloyatida – 4 046 ta,

Farg‘onada – 4 530 ta,

Xorazmda – 3 016 ta

Toshkent shahrida – 7 556 ta.

Davlat rahbari quriladigan uy-joy haqida shunday dedi:

«Biz bugungi kunga qadar bunaqa hajmdagi qurilish dasturini amalga oshirmaganmiz.

Shuning uchun, har bir viloyat hokimi uy-joy masalasida shaxsan o‘zi ichiga kirib, aniq hisob-kitobga ega bo‘lishi kerak va bugungi yig‘ilishda ishlarni qanday tashkil etish yuzasidan hisobot beradi.

Eng katta masala – bu uy-joylarning narxini adolatli shakllantirish. Bugungi narx-navodan odamlarimiz rozi emas va hokimlar buni ichiga kirmagani ham, rost».

Prezident shu bilan birgalikda viloyat va tuman hokimlaridan uy narxining bir kvadrat metri 4 million so‘mdan oshmasligi uchun barcha zarur choralarni ko‘rishni so‘radi.