«2019-2022-yillarda davlat veterinariya xizmatlari moddiy-texnika bazasini mustahkamlash bo‘yicha chora-tadbirlar dasturini tasdiqlash to‘g‘risida»gi Hukumat qarori qabul qilindi. Bu haqda Adliya vazirligining «Huquqiy axborot» kanali xabar berdi.

Qaror bilan, 2019-2022-yillarda davlat veterinariya xizmatlari moddiy-texnika bazasini mustahkamlash bo‘yicha chora-tadbirlar dasturi tasdiqlandi.

Dasturda:

• hayvonlar kasalliklari tashxisi va oziq-ovqat mahsulotlari xavfsizligi davlat markazlarining bino va inshootlarini rekonstruksiya qilish;
• hayvonlar kasalliklari tashxisi va oziq-ovqat mahsulotlari xavfsizligi davlat markazlarini zamonaviy asbob-uskunalar bilan jihozlash;
• veterinariya mutaxassislarini tayyorlash va ularning malakasini oshirish bilan bog‘liq tadbirlar nazarda tutilgan.

Dasturda belgilab berilgan tadbirlarni moliyalashtirish veterinariya xizmatini rivojlantirish jamg‘armasi mablag‘lari va qonunchilikda taqiqlanmagan boshqa manbalar hisobiga amalga oshiriladi.