Toshkentda 2,6 mlrd so‘mlik elektron tamaki qo‘lga olindi
Toshkent shahrida 2,6 mlrd so‘mlik elektron tamaki mahsulotining noqonuniy muomalaga kiritilishining oldi olindi.
Bosh prokuratura huzuridagi Departamentning Mirobod tumani bo‘limi, Bojxona boshqarmasi va IIB xodimlari hamkorligida tezkor tadbir o‘tkazilgan.
Unda fuqaro L.X. “F.T.” MChJ mas’ul shaxslari bilan o‘zaro til biriktirib o‘zining vaqtincha yashash xonadonida MChJning tegishli hujjatlari bo‘lmagan, turli nomdagi umumiy bahosi 2,6 mlrd so‘mlik 12 884 dona elektron tamaki mahsulotlari va ularga tegishli markirovkalarni o‘tkazish maqsadida saqlab kelayotganligi aniqlanib, ushbu mahsulotlar ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter